| Գլխավոր էջ |
| Մասնագիտական կրթություն |
| Հաղորդակցում |
Ազգային տարազի խմբակում ուսուցումը տարվում է տեսական և գործնական պարապմունքների միջոցով: Առաջին պարապմունքներին երեխաները ծանոթանում են արհեստների տեսակներին, ինչպես նաև հայկական և այլ ժողովուրդների ազգային հագուստներին, զարդարանքներին: Այնուհետ ծանոթանում են թելերի մշակման եղանակներին, ազգին բնորոշ գույների և կտորների ճիշտ ընտրությանն ու համադրմանը: Սաները սովորում են կարել ասեղնագործելով գդակներ, գոգնոցներ, շապիկներ, մաշիկներ և հագուստի այլ մասեր` համադրելով զարդարանքների` վզնոցների, կախովի շղթաների, ոտքի մարգարտաշար թելիկների, եռանկյունաձև կախիկների, բոժոժիկների և այլնի հետ:
Ուսուցմանը զուգընթաց երեխաները սովորում են նաև տիկնիկներ պատրաստելու տեխնոլոգիան, այնուհետև իրենց ձեռքով պատրաստած տիկնիկները օգտագործում են որպես ազգային տարազի ցուցադրման միջոց:
Խմբակի ուսուցողական աշխատանքների արդյունավետության բարձրացմանը նպաստում են այցելությունները թանգարաններ, որտեղ երեխաները ծանոթանում են ազգային տարազի նմուշներին:
