Ուսուցումը իրականացվում է  համաձայն  նախապես  մշակված  ծրագրի։ Խմբասենյակը  հագեցած է անհրաժեշտ սարքավորումներով, որոնց շնորհիվ սաները արագորեն յուրացնում են ժամանակակից տեխնիկայով աշխատելու հմտությունները։ Պարապմունքների ընթացքում սովորում են     համակարգչային օպերատվություն և դիզայներության ծրագրեր՝  Microsoft Word,  Microsoft Exsel, Microsoft PowerPoint, Adobe Photoshop:
Առավել մեծ հեռանկարներ ունեն համակարգչային դիզայներության՝  Adobe Photoshop  ծրագիրն ուսումնասիրողները, որոնց համար առավել դյուրին կլինի ապագայում համապատասխան աշխատանք ձեռք բերելը։ Դիզայներությամբ հետաքրքրվող սաներից շատերն ունեն անհատական աշխատանքներ, որոնք օգտագործում են գորգագործության, ասեղնաագործության և փայտի գեղարվեստական խմբակներում որպես էսքիզներ։
Պարապմունքներին  զուգընթաց  հաճախակի կազմակերպվում են հատաքրքիր զրույցներ և բանավեճեր համակարգչային աշխարհի նորությունների վերաբերյալ:

Նորաստեղծ վեբ ծրագրավորման խմբակում ընդգրկվել են կենտրոնի համակարգչային խմբակի լավագույն սաները և այն դիմորդները  որոնց ընտրությունը կատարվել է մրցութային կարգով։ Այս խմբակում սաները ուսումնասիրում  են  HTML, CSS, XML, JavaScript, Flesh ծրագրերը։ Խմբակի նպատակն է  պատանիներին ուսուցանել և պատրաստել ժամանակի պահանջներին համապատասխան  բարձր տեղեկատվական տեխնոլոգիաների բնագավառի մասնագետներ՝  վեբ էջեր պատրաստողներ,  Flesh ծրագրավորողներ, ցանցի սպասարկողներ և այլն ։ Դասընթացներն անցկացվում են Երևանից հրավիրված առաջատար մասնագետների կողմից։ Խմբակում ընդգրկված են 13-18 տարեկան պատանիներ, տարիքային առումով նման մաստագիտական ուղղվածությունը բացառիկ է ։ Կարճ ժամանակահատվածում երեխաները հասել են նկատելի արդյունքների, որոշ երեխաների համար այս դասընթացները կարևոր դեր ունեցան ճիշտ  մասնագիտական կողմնորոշման և ընտրության հարցում։
Խմբակի սաների համատեղ աշխատանքի արդյունքն է նաև www.entanik.am կայք էջը։